Raywaniya Çekuyane Mi 1985 - 2025 Haydar Diljen

Raywanîya Çekuyanê Haydar Diljenî

Nê kitabî de, nuşteyê Haydar Diljenî yê 40 serran est ê. Nuşteyê ey, heta nika, nê kovar û rojnameyan de neşir bîyê: Vate, Berbang, Azadîya Welat, Armanc, Ozgur Polîtîka, Hîwa, Avaşîn û Çira.
Nê nuşteyî kovar û rojnameyan de senî ameyê neşirkerdiş, ma zî bi eynî awaya nê kitabî de neşir kerdî. Şima do nê kitabî de bivînê ke nuştişê dimilî nê 40 serran de kotî ra ameyo kotî.

Haydar Diljen vano, "Ez Swêd de sirgûney de alfabeya ziwandê xo musaya û mi îmkan dî ke ez bi ziwandê xo ya perwerde, ziwan, kultur û persanê komeldê ma ser o binusa û rojname û kovaranê kurdan de neşir bikera."

Haydar Diljenî, nuşteyê xo yo verên serra 1985î de Uppsala de nuşto û 1990 de kitabê xo yê dersi yê verênî de çap kerdo.

Haydar Diljen, Nîsanda 1983 de şîyo Swêd tepîya, mabênê 1983-1986 de edîtorê Kovara Armanci, mabênê serranê 1990-1992 de mesûlê kovara Federasyonê Komelandê kurdan Berbangi-beşa dimilî; mabênê 1996-2005an de endamê redaksîyondê Kovara Vateyî û 1996an ra heta nika zî endamê Grûba Xebate ya Vateyî yo. Ey bi dimilî, kitabê xo yo verên "Ziwanê Ma Alfaba" 1996 de neşir kerdo. Heta nika bi kurmancî û dimilî 14 kitabê ey ê perwerdeyî çap bîyê.

Kesê ke wazenê kirmanckî (dimilî) ser o cigêrayîş bikerê û dimilîya xo aver berê, mamostayê ke dersi danê û heme kesê bînî yê ke dimilî meraq kenê şenê nê kitabî ra feyde bivînê.

Ma ze Weşanê Aryenî zaf zerrîweş ê ke ma dest bi neşirkerdişê kitabanê bi kirmanckî zî kerdo.


Weşanê Aryenî

 

(Tanıtım Bülteninden)