Zargotina Çiyaye Sipane Heci Mihemede Heci Mistefa

Di vê xebatê da ji alîyê îcrayê va sê beş hene ku her sê beş jî derbarê vegêrana gelî da ne. Ev beş weku destan, çîrok û meselok ji hev hatine qetandin. Herçiqas di vegêranên gelî da sînorên cureyan pir ne teqez bin jî, vegêranên di vê xebatê da bêtir nêzî kîjan cureyan bûye di bin wê beşê da cih hatiye dayin. Bo nimûne herçiqas şaxa Rustemê Zal şaxeke destana lehengî ya mîtolojîk be jî di îcraya çîrokbêj da bêtir nêzî vegêrana çîrokî/xeberoşkî bûye. Loma ew di wê beşê da bi cih bûye. Îcar di serê her beşê da piştî malûmatên pênaseyî, keresteyên bi wan sernavan ra peywendîdar bêyî destlêwerdanekê, çawa ji devê çîrokbêj derketibin wisa hatine nivîsandin.