Gotin Sar Bu-Şahiden Komkujiya Geliye Zilan 1930 Nihat Gültekin

“Eva dîrok e. Heger rewşenbîrên kurd ev hemû nekin dokûmêntasyon, xema kê ye? Kê wê xwe biêşîne, heger ne em? Lê hovîtiya ku li Geliyê Zîlan, Gilîdaxê, Dêrsimê, Diyar bekirê, cihan de dema Xumeynî, Helebce, Şengal, Kobanî, ka hejmar xilas dibe? Kanê dokûmêntasyona gelkûjiya van bûyeran? Lê eva xemsarî nîne? Eva gazina min nîne, eva gazina wan şehîdan e, wekî bi destê neheqan hatin kuştin û haya zindiyan ser wan yek bi yek nizanin.”
Prof. Dr. Celîlê Celîl
“Îro karê herî baş ew e ku ciwanên kurdan teybekê bigrin destê xwe û herin gundan. Tomarkirina stranan, çîrokan pir giring e. Hevpeyvîn bi kurdên ku tevî berxwedanên Qoçgirî, Şêx Seîd, Agirî û Dêrsimê bûne re, tomarkirina axaftinên bi wan re divê neyên paşguhkirin. Dibe ku ev meriv di dema emrê xwe yên dawî de bin. Berî ku ew biçin rehma Xwedê, giring e ku ev qeyd bêne girtin.”
Dr. İsmail Beşikci
“Her mirov, her civak divê bi dîrok û serpêhatiyên xwe re rûbirû be û ji wê dersa xwe bigire. Civakên ku ji vê rastiyê direvin yan jî wê piştguh dikin ji rêya pêşketina xwe ya xwezayî dikevin, zirarê didin civaka xwe û civakên pêkhatên xwe. Merca sereke ya jiyaneke aşitiyane jî rûbirûbûna bi serpêhatiyên xwe pêk tê. Bingeha vê yekê jî ew e ku bi xebatên pisporên civakê dîrok û serpêhatiyên wê bi zanistî bên lêkolîn û ronahîkirin. Ev mînakên dîrokê yên bi zargotinî ku Nihat ji 10-15 salan pê re ye bi kedeke mezin lê dikole û diweşîne di rastiyê de xizmeta vê armancê dikin.”
Mehmet Gültekin

(Tanıtım Bülteninden)